.comment-link {margin-left:.6em;}

على باب الله

انا من أهل مصر ، بسيط وغلبان بالعربي على باب الله

Sunday, October 16, 2005



حزب الماشيين بدماغهم

أنت أخوان ؟

لأ ...! !

أما مربي دقنك ليه ؟

شكلك شيوعي ...!!

لأ خالص ليه ؟

طب لي مصاحب العيال بتوع الاشتراكية ؟

حاسس انك أمن دولة !

يا نهار اسود كله إلا دي ! بس إشمعني

بتشتغل في جرنال حكومي وبتسلم على المخبرين الحاصلين على أيزو التخابر الشعبي من معهد لاظوغلي

والمصحف أبدا ..

شوفت بتقول والمصحف تبقي أخوانجي ..

يا لهويييييييييي

فيه إيه يا جدعان مع احترامنا لكل التصنيفات السالفة – وأرجو الأ تكون سالفة دليل إضافي على اخوانيتي- بالطبع ما عدا الاتهام الخاص بالتخابر لحساب الإمن ، لماذا لابد يعني أن يكون المرء يا إما... يا إما... يا إما ...

ألا يمكن أن نتفق على مبدأ واحد وأولي يشملنا جميعا أن نكون جميعنا "أحرار " ، كما خلقنا الله ، بعد ذلك للمرء أن يؤمن بما يود أن يؤمن به – أو حتى لا يؤمن – أو أن يؤمن ببعض مبادئ الإخوان وبعض مبادئ الاشتراكيين ، أحب بعض مبادئ الأخوان ، واعترض أو لنقل لا أشعر بارتياح كامل مع بعضها ، واحب بعض مبادئ الاشتراكيين ولا أتوافق مع بعض مبادئهم أو أفكارك حيال بعض القضايا ، ليه بقي لازم على أن اختار أن أصنف ، تلح عليا نكتة "أنت معانا ولا مع الناس التانيين" الآن أنا بقي مش معاكم ولا مع الناس التانيين أنا مع نفسي يا جدعان

--------------

للأمانة البلوجية

الفكرة طرحها بلال فضل في مقالة سابقة له في الدستور مع رسم مماثل للرسم الكروكي المرفق رسمه المبدع عمرو سليم ( بالمناسبة يا استاذ عمرو فرصة أقولك يخرب بييييتك اللي بيبقي نفسي أقولهالك كتير لما اشوف رسمك ) رغم احساسي أن عمرو ليس من القبيلة البلوجية المصرية ومش هايقرأ الهباب اللي بأكتبه ، هاهاي آل في حد غيره بيقراه ، أنا الصراحة حاسس إحساس اللي بيغني في الحمام ، اللي عايش مع نفسه وفرحان بصوته ويمكن خياله يصور له إن الجيران مطرأطأيين ودانهم عشان يسمعوه ، رغم انه عارف أن ما فيش حاجة من دي حاصلة


4 Comments:

At 3:27 AM, Blogger Mohammed said...

فكرتيني بموضوع قديم كتبته



http://digressing.blogspot.com/2004/12/blog-post.html

 
At 4:29 PM, Blogger على باب الله said...

عزيزي محمد

إيه ده ، فيه فرق طبعا كبير
موضوعك أجمل بكتيير
حاجة كده في العماميق ، أنا موضوعي لايت ، صح الفكرة واحدة
باشكرك يا باشمهندس على المرور والتعل

 
At 10:11 AM, Anonymous Hussein said...

3ala Bab Allah,

Interesting observation.. but you need to look at it in the context of our everyday life.

"You have to belong to something" is planted in our heads from childhood.. you grow up and you are eith Ahly or Zamalek (too bad if you are Tersanah or Ismaily) and then it gets a bit serious Engineers, Doctors, Teachers, Lawyers,... and then it gets worse as you are either loyal to government or opposition (in which case it does not matter whether you are socialist, wafad or Ekhwan because most likely you are a traitor because you oppose the government!!..)

It is easy to classify things in order to simplify life which is already complex for the simple egyptian to understand and that is why you get to your observation... funny isn't it?

 
At 10:38 PM, Anonymous Anonymous said...

Excellent, love it! film editing schools

 

Post a Comment

Links to this post:

Create a Link

<< Home