.comment-link {margin-left:.6em;}

على باب الله

انا من أهل مصر ، بسيط وغلبان بالعربي على باب الله

Monday, September 12, 2005

يوميات المعركة
قبل المعركة بعدة شهور

aالمكان : شرم الشيخ
الزمان: الايام السودة اللي بنعشها
الحدث : حوار "غير معلن" بين كوندي ومبارك

موبي: أهلا يا ست الكل والنعمة داحنا زارنا النبي النهارة
كوندي: بأقول إيه بلاش أونطة يا موبي مش علي دانا من حواري نيويورك ، خلينا نشوفلك حل للمصيبة اللي انت فيها
موبي:مصيبة ايه بعد الشر.
كوندي لنفسها " هايستهبل ابن بهانة" طولي بالك عليه يا بت، يلعن أبو دا زمن خلانا نتحوج للأشكاك الdeity دي .
كوندي لموبي: بص يا موبي احنا لسه عايزينك ، انت نافعنا، شاطر خالص وبتسمع الكلام ، بس المشكلة في منظر امريكا قدام العالم لو عقدت انت بعبلك كده ، التزام امريكا قدام العالم لتنشر الديموكراسي قدام العالم في الميدل ايست ، بيخلينا لازم نشوف حل في موضوعك المنيل ده ، علشان كده لازم نشوف مع بعض خطة تعد فيها على قلب الناس دول وبرده بالديموكراسي.
موبي: يا ستي أنا خدامكم ، طب هو انا عمري قصرت في حاجة، عمركم قلتولي حاجة ومعملتهاش بزمتكو.
كوندي: خلاص خلاص انت هاتصدعني ليه انا لسه هاقول البيان العسكري بتاعي في الايه يو سي ، ولسه هآقبل الريفوميست ، قصر وافهم هاتعمل ايه .
موبي: انا تحت امركم
كوندي: انت تعمل تغيير في الكونستيتيوشال ، علشان يبقي الصورة فيها ناس غيرك( كوندي لنفسها: الناس زهقت من خلقة أمك لازم يبقي في مناظر تانية) ، ماشي ، بعدها تعمل انتخابات وبتاع على الطريقة الأمريكاني فاهم( كوندي لنفسها: ان عارفة ان فهمة بطئ وهايطلع روح أهلى) وأنا عارفة انت محتاج إية ، أنا جبتلك كام شريط فيديو لحملة مستر بريزيدنت علشان تعمل بالظبط زيه، يعني باختصار تفك ياقة القميص كده وتلف على الناس الفقرا وتطفح معاهم ،وتجيب عيال شباب على كبار فولنتييرز يكونوا معاك ، وتطبع بوسترات وشغل وحركات وطبعا لأن الحاجات دي مش سهلة ، فيه طاقم خبرا أمريكاني هايعملك الحملة دي وطبعا مخصومة مصاريفه من المعونة، وساعة النتيجة ما تلهفش نسبة الفوتنج كلها لوحدك ، 99,9% ما عدش ينفع ، تاخد 70 % 80 % وتدي الناس التانية الباقي.
موبي : حاضر حاضر .
كوندي : وتزور مستر شارون (كوندي لنفسها: ع الأقل الناس هيه اللي مختاراه مش زيك قاعد فوق قلب الناس من تأبيده ولسه معمر وفاكرها عزبة ابوك وعايز تديها للواد الفاشل ابنك)
موبي:حاضر حاضر بس ممكن نأجل الزيارة شوية ، يعني لو ممكن
كوندي: احنا هانقولك تروح امتي ، وبالنسبة لينا ، إحنا من ناحيتنا مش هانقصر، هابعتك اثنين ثلاتة من بتوع الكونجرس يعملوك راجل جدع وعملت ديموقراطية وحركات وهمبكة .
موبي: طب والنبي الواشنطن بوست والنيويوركتايمز تقولولها وحياتك تخف شوية
كوندي: (لنفسها:عبيط دا ولا إيه) ( لموبي : لأ يا حبيبي إحنا مالاناش دعوة بالبرس إحنا يا عنيا ما عندناش صحف قومية ، وبعدين كفاية عليك القومية بتاعتك وطشة الملوخية بتاعة الكات اللي قاعد ينونولك طول النهار والليل
موبي: ( لنفسه : كفاية .. هي بتقول كفاية ، تبقى هي بنت الذين اللي ورا العيال الصيع بتوع كفاية ) اللي تأمري بيه يا ست الكل .

تخرج الحملة الامريكية للانتخابات المصرية طبق الأصل " الباهت " من أفشل حملة انتخابية امريكية ، حتى خطاب ما بعد الفوز يكون في اوبن أير في خيمة ، ( يا دعاء سلطان خفي على الناس اللي بتقتبس افيشات الأفلام الامريكاني ، يعني هي جت عليهم ! ) جمال حبيب قلب مامته قاعد وحاطط بادج صورة حملة باباه الأخضر.

قبل الانتختاء بيومين

واحد اين ست موالسة من الكونجرس الأمريكي بعد زيارة موبي يظهر في التليفزيون المصري ويقول على ظهور المرشحين في التليفزيون المصري ان مصر تفوقت على أمريكا( والمصحف قال كده بجد) في اتاحة فرص عادلة للناس في التلفزيون !!!!

يوم الانتختاء

1- سيدة تاتي من خلفي بينما أقف بين مظاهرة حوسني حوسني ( في الخلف ) وكفااااية أمامي وتقول لي : " أوعي كده خلينا نعدي نقول كلمتين ، وهي تنظر لي والشرر يطق من عينيها : انت عايزاه ؟ يلتبس على الأمر لثانية ، إه لأ عايزة دول طبعا مشيرة الى حركة كفاية ، تكمل كلامها تعالي يا ام على ، أم علي تظهر ممسكة في يد الأولى بينما تعرب ابتسامتها عن أسنان لم يراها طبيب أسنان على الاقل خلال القرن الحالي ، تقول ام على والنبي أنا عندي 3 ولاد في البيت مش لاقيين شغل .
2- سيدة أخري لابنها في لجنة انتخابية : باقولك ايه يا واد لو مادلوكش حاجة كسر اليافتة دي على دماغهم.
3- فتاة في العشرين تذهب لتشتري خمسة زجاجات مياه تعطي واحدة لمحمد الشرقاوي ، وواحدة عبير العسكري والثالثة لرجل معاق يسير في المظاهرة . والرابعة لحد مش فاكراه والخامسة ليها ، الدنيا حر برضة .


لازالت المعركة مستمرة ، على باب الله يخلع الخوزة ويجلس بجوار احد الحوائط ، يقضى حاجتة ، يشرب شوية ميه ، يتوضي ويصلي الفجر ، ويستعد ليوم جديد من أيام المعركة.

6 Comments:

At 12:36 AM, Blogger El3en Elsehrya said...

Nice Post.
Please check the new Egyptian politic blog
Al Meezan
www.almeezan.blogspot.com

 
At 7:39 AM, Blogger مصرى أوى said...

Koll Intikhaa we inta TAYEB!!!

egyptianhopes.blogspot.com

 
At 2:06 PM, Blogger على باب الله said...

thank u thank u thank u guys, come again , the battel is NOT YET over , it's just started

 
At 10:38 AM, Anonymous Hussein said...

3ala Bab Allah,

Great post.. can not stop laughing and you know we say the worst catastrophe is the one that makes you laugh...

What can I say, can you believe that La Vache Qui Rit is still ruling this great country and that he is being portrayed as the Wise Man of his Time.. give me a break we deserve better than this..

 
At 9:05 AM, Anonymous Anonymous said...

You have an outstanding good and well structured site. I enjoyed browsing through it
Lesbien asians hardcore fucking Class act condoms homepage Do arab retirees like to travel New jersey passenger van sales asian baby names Hot lesbian asian Alarm values fire protection system Hot asian girls asses php product asian bukkake cumshots Asian auto parts Answering machine for nokia 9300 Cheap international calls to libya from ireland asian whore 008 Asian links

 
At 4:21 PM, Anonymous Anonymous said...

لما سمى بنات الدعارة ببنات الهوى الالهوى النفس الامارة بالسو ءلن يصلح الله امورنا الا لو امر الحكام العرب بالقضاء عليها

 

Post a Comment

Links to this post:

Create a Link

<< Home